Governor Bhalla hovin Manipur himna sawiho

Governor Bhalla hovin Manipur himna sawiho
Manipur Governor Ajay Kumar Bhalla chuan tharum thawhnain a tihbuai an state-a nunphung pangngai a awm leh theihna tura hmalakna kal zelah Thawhlehni khan Raj Bhavan-ah thutkhawm pawimawh kovin dan leh thupek kenkawhna thil an sawiho.
Thutkhawmah hian Chief Secretary PK Singh, Security Advisor Kuldiep Singh, DGP Rajiv Singh, sipai leh paramilitary hotu lian bakah sorkar mi pawimawh dangte an tel a. March 1-a New Delhi-a Union Home Minister Amit Shah-a kaihhruaia thutkhawmnaa thu tihtlukte kalpui zel dan an sawiho.
Shah hian March 8 atang chuan Manipur-a kawngpui zawng zawng hawnga May, 2023 atanga chi leh chi inkara buaina awm avanga buaina titawpa nunphung pangngai zawh leh turin hma a la.
Hnam hnih inkara buaina a chhuah karah Chief Minister N Biren Singh chu bângin February 13 khan President’s Rule-in an awm a, sorkar laipui atangin enkawl an ni.
Tar lan tawh thin angin Manipur-ah hian phaia cheng, Meitei leh tribal hnam hrang hrang, tlangrama cheng, Kuki te chu May, 2023 atang khan ram neitu nihna thil leh politics thil avangin an intibuai a. Mi 250 chuang thi awm tawhin mi 50,000 chuangin an in leh lo an chhuahsan phah.
State assembly chu tihtawp lailawk niin union home secretary lo ni tawh, Governor Bhalla chuan Manipur-in muanna lam a pan theihna turin a kaihruai mek.
Shah-a chuan kawngpui hawn vek chu ke penna pawimawh tak a ni tih a sawi a, Meitei tamna phaizawl leh Kuki chenna tlangram hi inkalpawh a khirh hle a ni.
Tun hnaiah venhim hna thawktute ralthuam ruksak pe let turin an inngen bawk a, ralthuam 4,100 chuang chu Bhalla-a ngenna angin pek let a ni tawh a. Ruihhlo tawlhna thil tihtawp tumin nasa takin an bei bawk.
Sorkar laipui chuan Indo-Myanmar ramri hung a ngai pawimawh hle a, hei hi dan lova ramri kân titamtu nia ngaiin buaina tichhuaktu pakhatah ngaih a ni bawk.
Politics zawnga thlirin Shah-a thupek leh Thawhlehnia thutkhawm hi President’s Rule-a an awmna hnuaiah himna leh boruak muanawm ngaih pawimawh a nihzia tihlannaa ngaih a ni.
Chi leh chi inkara inepna na tak karah hian Shah-a’n ruahmanna a siam hi a hlawhtling a nih chuan kawng dik zawh lehna tur a tiawlsam tura ngaih a ni.