Digital Agricultural Mission hnuaia Aerial Drone Survey of Agricultural Land chungchang sawiin Nilaini khan Kolasib bawrhsap Robert C Lalhmangaiha chuan kaihhruaiin agriculture leh a kaihhnawih department aiawhte an thukhawm.
Digital agriculture chu a hming atang ringawt pawhin a pawimawh zia leh tunlai khawvel thiamna sang zel chu ei leh bar thar kawngah a tangkai ni dawn tih a lan thu bawrhsap hian a sawi a. Kolasib district-ah oil palm, sangha dil siam, kuhva chin, leilet siam leh hmun hrang hrang drone-a survey chu an dinhmun chiang zawka hriatna atan leh hmasawwnna atan a pawimawh dawn tih a sawi a ni.
Agriculture & Farmers’ Welfare department hotute chuan digital agriculture chu langtlang leh felfai taka technology hmanga loneitute hmunhma endik a, an dinhmun hriatchianna pawimawh tak a ni tih a sawi a. Kolasib district chu a ram leilung avangin agriculture leh a kaihhnawih department tan district pawimawh tak a ni, tiin, drone hmanga digital survey neih pawh an chhawr a beisei tih a sawi a ni.
Digital Agricultural Mission hnuaia Aerial Drone Survey of Agricultural Land-ah hian ruahman danin, department hrang hrang – Agriculture, Sericulture, Horticulture, Fishery, AH & Vety leh Soil & Water Conservation leh agriculture kaihhnawih department dang hnuaia loneitute hmunhma chu drone hmanga en a ni dawn a ni.
Drone hmang hian loneitute data lakkhawm tur niin, chutah chuan an ram neih dan, thlai chi hrang hrang chin, ran vulh leh sangha khawi thlengin a tel. Department-te hian KML file-in drone-a survey tur hmunhma an lo dah lawk anga, chumi hmang chuan geo referencing map siam tur niin, chu chu drone hmanga enkual leh tur a ni.
Digitial Agriculture Mission hnuaiah hian digitial crop survey siam a ni anga, sawrkar laipui duhthusamah chuan tun khariff season chhungin digital crop survey hi khua zawng zawng zaa 90-a kalpui hman tura tih a ni.
Kolasib district-ah drone hmangin agriculture land chin zirchian tum
Get real time updates directly on you device, subscribe now.
Prev Post