Green-Ag thuneitu sang thukhawm

Green -Ag State Steering Committee chu a tum 9-na atan Thawhlehni khan chief secretary Khilli Ram Meena kaihhruaiin an thukhawm.
Line department – Agriculture & Farmers’ Welfare, Environment Forests & CC, Commerce & Industries, Rural Development & Administration, Social Welfare Women & Child Development, Public Works, Planning & Programme Implementation, School Education, Horticulture, Finance, Sericulture, Animal Husbandry & Veterinary, Fisheries, Land Resources Soil & Water Conservation, Irrigation & Water Resources bakah Food and Agriculture Organization (FAO) Representative of India Takayuki Hagiwara leh Green-Ag National Project Monitoring Unit national technical coordinator Manoj Mishra an tel a ni.
State technical coordinator Dr Keny Vanlalhriatpuia chuan kum liamtaa Green-Ag hmalakna a report a. Project sum hman tawhna leh hmasawna hrang hrang sawiho niin, line department-te nen convergence-a Green Landscape Management Plan kalpui dan tur sawiho a ni. Kum 2026- 2027 atana Green-Ag Annual Work Plan leh Budget Rs. 6,98,31,779 an pass bawk.
Green -Ag project hi FAO Global Environment Facility fund a ni a, a tum ber chu India rama loneituten ngelnghet zawk leh ramngaw tichereu lo zawnga ei an zawn a hma an sawn dan dappui a ni.
He project hi India ramah Madhya Pradesh, Mizoram, Odisha, Rajashthan leh Uttarakhand ah kalpui mek a ni a. Kum 2020 khan Mizoramah Agriculture & Farmers’ Welfare hnuaiah tan a ni. He project hian Mamit district khaw 25 leh Lunglei district-a khaw 13 huamin, heng khua hi Dampa Tiger Reserve leh Thorangtlang Wildlife Sanctuary bulhnai khua an ni.