Gujarat hmun thenkhata ruah sur nasa kaihhnawiha chhiatna hrang hrang thlengah mi 14 vel an thi a, thli na tak leh vaivut thli a keng tel bawk niin thuneituten Thawhlehni khan an sawi.
India Meteorological Department (IMD) chuan Gujarat-ah hian ni eng emaw ti chhung chu tel leh darkar khata km 50-60-a chak thli a la thawk thei tiin an sawi lawk bawk.
State Emergency Operation Centre (SEOC) chuan an state-a ram bial 253 zinga168 chuan darkar 24 liam ta chhung khan an dawn hun ngai lovah ruah an dawng tih sawiin Kheda, Gandhinagar, Mehsana leh Vadodara district-ah chuan mm 25 atanga 40 inkar a sur niin an sawi.
Thli na tak tlehin thing, thil tar leh pillar a len tluk bakah district eng emaw zatah in a tichhia a, mi eng emaw zatin hliam an tuar tih an sawi.
Ruah sur kaihhnawih hrang hrang – tek, electric man, thing tlu, in chhia leh thil tar tlu avangin Ahmedabad, Anand, Kheda, Dahod, Aravalli leh Vadodara district-ah Thawhtanni khan mi 13 an thi a. Pathianni khan Ahmedabad-a Viramgam-ah tekin mi pakhat a deng hlum bawk.
Gujarat-a ruah sur nasa kaihhnawihah mi 14 thi
Get real time updates directly on you device, subscribe now.
Prev Post