“|halaiten ‘foreign slavery’ kalsan mamawh”

India thalaite chuan colonial mindset leh ‘foreign slavery’ kalsan an mamawh tiin Rashtriya Swayamsevak Sangh’s publicity in-charge Sunil Ambekar chuan a sawi.
Mi thenkhat ten engkim ta neih an tum veka secular leh communal tih te pawh an duhdan danin an sawifiah mai a ni a ti bawk a. Heng mite hi a lawm ‘save tiger’ tih te ‘save birds’ tichung reng a, ‘save cows’ erawh communal a ngai tlat an ni tiin a sawi bawk a.
“Miten engati nge hming thlak a nih an ti a. Zawhna ka zawh thin chu Madras tih Chennai tia thlak a nih chuan secular a ni a. Bombay pawh Mumbai tia thlak a nihin secular tho a ni a. Mahse enga tinge Allahabad hming chu Prayagraj tia thlak a niha communal a nih tlat bik” tiin Ambekar chuan a sawi bawk a.
Mi thenkhat leh ram thenkhatte chuan ‘Eng nge liberal leh modern te communal leh regressive te sawifiahna hi an ta neih a ni’ tiin a sawi bawk a. Ram thenkhat te definition chu ring ngawt tur kan ni lo va, ‘kan culture leh identity behchhanin thlir dan’ kan nei ve a ni a ti bawk a.
“Chutiang bawk chuan mi thenkhat ten ‘save tiger’ leh ‘save bird’ campaign an kalpui chu secular an tih laiin ‘save cow campaign’ erawh communal an ti daih,” tiin a sawi bawk.
Heng thute hi Ambekar hian Rashmi Samant lehkhabu ziah ‘A Hindu in Oxford’ tih tlangzarhnaa a sawi niin he lehkhabu hi a ziaktuin university tha taka a kal laia a chanchin a ziahna a ni a. Samant hi Indian zinga Oxford Student Union (SU) president elect hmasa ber a ni a. He lekhabuah hian a hna a bansan dan te leh a hnua an chirh theh dan te a ziak lang a ni.
Ambekar chuan ‘Bharat’ philosophy chu khawvel hamthatna a ni, tiin a sawi bawk a.
Union Minister Smriti Irani pawhin thusawina neiin Rashmi Samant, Udupi chhuak Hindu hmeichhia niin harsatna tam tak paltlangin president of Oxford Student Union ni thei a ni a ti a. “Rashmi Swant hi mi pakhat a identiy leh thlirna avanga hmuhsit rawn niin mahse chungte chu hnehin chakna a chang zawk a ni,” tiin Minister chuan a sawi.