Halpuah hal awm lohna district-ah inpuang dawn
Halpuah hal awm lohna
district-ah inpuang dawn
Serchhip district chu kumin hunpui laiin halpuah hal awm lohna district-a inpuan an tum a. November 14 khian an hawng ang.
Thawhlehnia Serchhip SP MS Dawngkima ho Serchhipa tlawmngai pawl hrang hrang aiawhten kumin Krismas leh kumthar vuakveta halpuah, halmawi leh puakthei thil dang zawrh, lakluh, hal leh hralh khapna thupek Serchhip district-a kenkawh dan tur an rel.
Mizoram sawrkar leh district magistrate-in thupek a lo chhuah tawh kenkawh bultanna atan leh Serchhip district chu halpuah hal awmlohna district a nih theihnan ‘Free Halpuah District’ a puanna programme chu November Ni 4 khian Serchhip Police Station-ah hman nise, hemi ni vek hian Serchhip Police leh NGO hrang hrang aiawhte nen a bultanna atan district capital – Serchhipa sumdawnna hmun hrang hranga dan phal loh puakthei thil zuar leh hralh an awm leh awm loh enfiah ‘Joint Special Drive’ neih nghal nise, an ti.
Serchhip district chhunga village council leh YMA branch zawng zawngah tlangau hmangin a tam thei ang ber puanzar nise, thupek bawhchhia chu Bharatiya Nagarik Suraksha Sanhita (BNSS) Section 164 hnuaiah thla 6 thleng lung in tan leh Rs. 2000 – 5000 thleng chawi tir theih an nih thu a tam thei ang ber puanzar nise, an ti bawk.
Online courrier ho pawhin sawrkar phal loh thil chah an awm chuan phurhsak lo tura ngen/ hriattir nise tiin an rel a ni.