Hamas-te chuan palaite hnenah Israel in a beih chhung chuan inremna a awm theih nan inbiaknaah an tel tawh loh tur thu sawiin mahse Israel-in indona a tihtawp chuan lung in tang inthleng tawnah ‘inremna siam’ inpeihin an awm tiin an sawi.
Egypt leh Qatar hmalaknaaa Israel leh Islamist movement tena Gaza-a inkahhai an neih theih nana inbiakna chuan hma a sawn hleithei lo va.
UN court International Court of Justice (ICJ) in Israel chu Gaza city Rafah bei zui lo tura a hriattir chung pawhin Israel chuan pawisa lovin a bei zui hmiah hmiah bawk.
“Inbeihna a awm lai reng, inluhchuahna, riltamna leh mihring suatna a thlen mek chhung chuan Hamas leh Palestinian faction te chuan inkahhai awm theih nana inbiaknaah an tel tawh lovang” tiin Hamas thuchhuah chuan a tarlang.
“Vawiinah chiang takin mediator te hnenah kan dinna kan hrilh a, Israel hian kan mi leh sa te Gaza a awm te a beihna a tihtawp chuan inremna siam turin kan inpeiha chutah chuan lung in tang inthleng tawn te pawh a huam a ni” tiin Hamas te thuchuah chuan a tarlang.
Israel chuan Hamas te rawtna chu a tawk lo tia sawiin Israel tihchhiat vek tumtute chu nuaibo vek a tum a ti hmak thung a. Rafah beihna chu lung in tang te chhanchhuah leh Hamas fighter te nuaichimih a ni bur a ti bawk.
Nikum October 7 atanga Gaza a indona kalpui tan hnuah Palestinians 36,000 chuangin nunna an chan tawh a ni. Gaza indona hi nikum 7 October a Hamas ten Israel luta mi 1,200 tihluma mi 250 chuang lung in tang tura an hruai atanga intan a ni.
Hamas-te mangang rawtna Israel-in hnawl
Get real time updates directly on you device, subscribe now.
Prev Post
Next Post