Handstand chungin thlawhtheihna të chi pathum a hnuk thei

Handstand an ti a, ke aiah kut hmangin an ding tihna a ni mai. Lu lei vit zawnga awmin, an kut hmangin leiah an innem khalh a, an ke chunglamah an vawrh kang ve thung. Hetianga awm chung hian Italian pa pakhat chuan thlawhtheihna te deuh chi pathum a hnuk tawlh thei a, Guinness World Records a siam.
A hming chu Matteo Pavone a ni, Castelnuovo Don Bosco, Asti, Italy-ah record hi siamin, handstand chunga thlawhtheihna të chi hnuk hnem thei ber record a siam.
Pavone hi rugby khel thin a ni a, mahse, a inhliam fo avangin a game ngainat chu a khel chhunzawm hleithei ta lo va, chuvang chuan thil danglam deuh eng emaw tih tur a ngaihtuah ta a ni.
Pavone chuan, “Ka hnungzang ka tih liam kha a pawi ber chu a ni. Doctor ten game (rugby) ka khel thei tawh dawn lo tih min hrilh a, mahse, an hre dik lo,” a ti.
Pavone hian yoga, cardio leh strength training te nasa taka neiin, tuna a record siam pawh hi amah ngeiin khum leh ngei a tum niin a sawi.