Pathianni zing khan Las Vegas-a MGM Grand Garden Arena-ah inhnek ngaihven hlawh tak a awm a. Boxing lightweight-ah kawnghren pali kawl kawp mek Devin Haney chuan a kawnghren chuhpuitu Vasiliy Lomachenko a hneh a, a kawnghren a humhim.
Tlawm nei lova kaltluang mek Devin Haney hian champion hlui Vasiliy Lomachenko lakah a khel tha viau a, chak phu zawk ni chungin a inlan tluan. Ukranian boxer huaisen Lomachenko hian a kawnghran hloh tawh lak let tum viau mah se inlehthalna lian thlentir turin danglamna a thlen thei lo. Hmuhnawm taka round 12 an inhnek zawh hnuin endiktu pathumte chu Haney hi point an pe sang zawk vek a. Inhnek hautak takah point 116-112, 115-113 leh 115-11 hmuin hnehna hlu tak a chang.
Lightweight kawnghren pali kawl kawp thei naupang ber Haney hian inhnek vawi 30 hmachhawn thawhin a la chak vek a. A khingpui mi 15 zet knockout in a hneh tawh nghe nghe a ni.
Haney-a’n a kawnhren humhim
Get real time updates directly on you device, subscribe now.
Prev Post
Next Post