Haryana election result chu nimin khan chhiar niin, seat 90 awmah he thu buatsaih lai thleng hian BJP chuan seat 50 la tawhin, a zawna a vawithum nan sorkar siam turin an dinhmun a tha tawh hle.
An party hruaitu hrang hrangte inhmukhawmin, an state thenawmte pawhin an thlir reng bawk a. Madhya Pradesh chief minister Mohan Yadav phei chuan Rahul Gandhi chu leadership nei tha lo, fail hlawm tawp a nih thu a sawi chhuak nghal bawk.
MP chief minister chuan Congress hian midang leader an neih a ngai tawh tak zet a ni, ani ho hian ram ropui an thleng ngai dawn lo, a ti a. Haryana a BJP a campaign pui lai pawhin Gandhi chu zui tlak a nih loh thu leh mipuite chu leadership nei lo lutuk kaihhruaina hnuaia awm lo tura a lo ngen tawh thu a sawi.
A zawna a vawithum nan Haryana-ah Lotus a par leh ngei dawn nia sawiin, ramchhung mipuite a lawmpui thu a sawi a. Congress chu hmasawnna leh thil engkim tichhetu an ni tih hre thar turin a ti bawk a ni.
Yadav hi ram hruaitute zinga Haryana inthlan thlir chunga thusawi nei hmasa pawl a ni a, na taka Rahul Gandhi kap nghalin, hruaitu zui tlak loh leh leadership nei lo tak a nih avangin Congress mipuite pawh an leader thlak ngam turin a ngensak nghal bawk.
Haryana-ah BJP dinhmun a tha
Get real time updates directly on you device, subscribe now.
Next Post