Health-ah award dawng

Family Welfare department chuan JRD Tata Memorial Award 2023 a dawng a, momento bakah sumfai cheng nuai 5 a kengtel.
Mizoramin he award a dawn theih chhan chu, hriselna lama Health & FW department hnuaia Reproductive & Child Health(RCH) Programme-in kawng hrang hrang hna a thawh that vang leh tehna hrang hrang – naupiang thi tlemna a nih vang, mipa leh hmeichhia piang intluk tlanna kawnga thawh that vang, hmeichhe dinhmun chawikanna lam, nu leh naute hriselna kawng, thianghlimna kawng leh tehfung hrang hrang 42-a hnathawh that avangin, heng thila en uluk bik India hmarchhak state zinga thawk tha ber – ‘Best Performing State’ a nih vangin a ni.
Mizoram sawrkar aiawhin Dr Hmingthankimi’n New Delhi-ah hemi atana hun buatsaih bikah December 18 khan a dawng a ni.