Health care bill leh thlai thar 4 leina tur dah dawn

Chief minister duh danin November thla sawrkar hnathawk hlawh la pekchhuah loh chu pek tura ruahman nghal a ni a. Healthcare bill tang pek tur cheng vaibelchhe 40 leh thlai thar leina, sawrkar policy-in a huam thlai pali leina tur cheng vaibelchhe 110 an ruahman nghal bawk. Finance changtu, chief minister Lalduhoma hian a department enkawl pahnih – Finance leh Planning & Programme Implementation hotute chu Thawhtanni khan a thutkhawm pui a. Chief secretary Dr Renu Sharma leh commissioner & secretary to CM K Lalthawmmawia ten an tawiawm.
Chief minister duh danin November thla hlawh, tun thlenga sawrkar hnathawkten an la lak loh chu pek chhuah nghal tura ruahman a ni a. Healthcare bill tang pek tur cheng vaibelchhe 40 leh thlai thar leina, sawrkar policy-in a huam thlai pali leina tur cheng vaibelchhe 110 an ruahman nghal bawk. Kumtina zirlaite scholarship pekchhuah hun tlai thin pawh kumthar atang chuan a hun taka pek theih dan dap turin a hrilh a. Budget thar ruahman tan a hun tawh avangin budget an buatsaihnaah sawrkar sum dinhmun dik tak, a nihna ang taka dah chhuak turin a chah bawk.
Finance department hnathawh dan principal secretary Vanlal Chhuanga’n a sawifiah a. Planning & Programme Implementation department hmalak dan secretary Lalmalsawma Pachuau in a sawifiah thung a ni.