Mizoram sawrkarin health care scheme a kalpui chu budget-a sum dah bakah loan puk leh mipui thawh nen kalpui theih hram an tum tih chief minister Zoramthanga chuan a sawi.
Assembly Session-a zawhna chhangin chief minister hian Mizoram sawrkar flagship programme SEDP hnuaiah healthcare hi ngaihpawimawh ber zing ami niin, Mizoram State Health Care Scheme kalpui na’n SEDP Fund atangin, kum 2019- 2020 ah vaibelchhe 50,
2020 -2021 ah vbch.10, 2021- 2022 ah vbch.10, 2022- 2023 ah vbch.20 dah a ni a, sawrkar kumthara vbch.60 dah nen, a vaiin tun sawrkarah vbch. 150 dah a ni tih a sawi.
Heng sum hi MSHCS hnuaia inziaklut damlote inenkawlna senso, medical reimbursement bill rulhna atan sawrkarin a hmang tih a sawi a.
“Socio leh economic tihhmasawnna atana kan flagship programme-a fund pui kan dahkhawmnaah, health care pawh hi socio ah hian a tel avangin kan dah a, a fund pawh Covid vanglai leh tih theih ngang loh lai pawhin tlem tam kan dah zel. Mipui hman hi a tam tham a, kan rul hleithei loa, tunah chuan theih ang tawkin kan rul,” Zoramthanga hian a ti.
Financial year thara cheng vbch.60 an dah nen, health care bill la pek loh hi an pe anga, tun financial year chhungin Asian Development Bank atanga loan an lak tur hi hmuh an inbeisei tih a sawi. “Sawrkar laipuiin a remti tawh a, cheng vbch. 720 central-in a rul anga, state-in vbch. 280 vel a tum ve ang. Vbch 1000 kan dahna pung leh mipui contribution nen, state sawrkarin a tih theih ang ang ti bawkin, kan health care hi harsa lutuk loa kalpui hram kan tum,” chief minister hian a ti bawk.
Health care kalpui hram kan tum – CM
Get real time updates directly on you device, subscribe now.
Prev Post
Next Post