Health care scheme inziah
luhna MLA-in tumsak tum
Lengteng bialtu MLA, minister F Rodingliana chuan a bial chhunga khawsak harsa zual deuh tan health care scheme thara inziahluhna a tumsak dawn.
Ningania Lengteng bial huamchhunga HSLC exam-a titha zirlaite lawmpuina Ngopa-ah buatsaih a hmanpuinaah F Rodingliana hian, a bial chhunga harsa zawkten health care scheme-a an inziahluhna atan a thla khat hlawh bakah MLA fund atangin cheng nuai 10 a pek tur thu a sawi a. Mizoram Universal Health Care Scheme chu mipui tan scheme tha a ni, tiin, a bial chhunga chhungkaw tin inziaklut vek turin a chah.
Health care scheme chungchangah thenkhat tihfel ngai la awmte sawrkarin a tifel mek zel tih sawiin, VC-te chu mahni khua theuha puangzar turin a chah a. Sawrkarin ruang phurh policy hlawhtling taka a lo kalpui tawh angin, MUHCS chu mipui harsatna sutkianna tur policy tha a ni tih a sawi a ni.
Minister hian a bial chhunga HSLC exam a tithate, distinction leh first division-a pass-te lawmpuina thuziak leh sumfai a hlan.
Health care scheme inziah luhna MLA-in tumsak tum
Get real time updates directly on you device, subscribe now.