Health care scheme zawmtuPeerless Hospital a inhawng

Health care scheme zawmtu
Peerless Hospital a inhawng
Mizoram Universal Health Care Scheme (MUHCS) zawmtu Peerless Hospital chuan anmahni pan duh Mizoram mipui tan an inhawng a, enkawlna tha tak an lo pe dawn tih an sawi.
Peerless Hospital associate vice president Indrajeet Banerjee chuan MIzoram sawrkar nen MUHCS hmangin an inthlunzawm a, Kolkata-a an damdawi in, khum 500 awmna leh Guwahati-a an damdawi in khum 250 awmnaah Mizoram mipui, damlohna avanga anmahni pan duh tan an lo inhawng reng tih a sawi.
Peerless Hospital senior consultant Dr Ashok Bandyopadhyay pawhin an damdawi in chu tunlai khawl changkang ber ber leh thiamna thar nen, cardiac, neuro sciences, oncology, orthopaedics leh critical care lama damlote enkawl tura Mizoram nen an inzarzawm thei ta chu lawmawm a tih thu a sawi a ni.
He hospital hotute chuan an damdawi in pantute chu an harsatna sutkian kawngah, tawng chungchang thlengin an tana awlsamna an lo siamsak zel dawn tih an sawi a ni.