Hehna nena kum bul \an Sabalenka

Hehna nena kum bul tan Sabalenka
World number one Aryna Sabalenka chuan Thawhlehni khan hnehnain 2026 campaign bul a tan a, Brisbane International-a a tumpui Cristina Bucsa lakah minute 47 lek chhunga 6-0 6-1 hnehna changin third round a lut.
Chawlhkar khat liamta mai khan Dubai exhibition-ah kum khat dawn a chawlh hnua singles khela kir hlim Nick Kyrgios nen inhmachhawnin, Australian tlangval chanchin ngah ve tak Kyrgios lakah Belarusian Sabalenka hi straight sets hmangin a tlawm a.
Arab ram atang hian Australian Open inbuatsaihna hmasa tan turin Brisbane a thlawklut a, a title kawl lai humhim tura a chetchhuahn a hmasaberah harsatna tawk loin Sabalenka a chak nghal.
A career-a a chak ran ber tum hian inkhelh banah Sabalenka chuan a serve leh volley a that thu sawi chungin ‘wow’ han tih tur a neih mawlh mawlh thu a sawi a, a chimchina a lawm thu leh khel tha a intih hle thu a sawi.
Defending Brisbane champion tum leh tur hi he thu buatsaih lai hian a la chiang mai lo a, Sorana Cirstea leh Jelena Ostapenko inkhela chak zawk zawk a ni ang.
Tarlan tawh thin angin, January ni 18 atanga February ni 1 chhung hian kum khat chhunga Grand Slam hmasaber Australian Open chu Melbourne Park-ah khelh a ni dawn a, he hunah hian hmeichhe lama world number one ni mek Sabalenka hian a vawi thumna atan Australian Open title a beisei leh dawn a ni.