Ma Liana, Sihphir Venghlun
-- Advertisement --
October ni 28, 2023 (Inrinni) tlai dar 6.30 All India Radio (Akashvani) chuan thu thar, ngaithla chîk te tâna bengvar thlâk tak a puang a. Hetiang hian a puang a, an sawi ang diak diak ni lovin, an sawi anga sawi chhawn (paraphrasing) chuan hetiang hi Akashvani puan dan tlangpui chu a ni:
Mizoram Speaker atanga bang ta, Pu Lalrinliana Sailo chuan Speaker a nihna leh MLA a nihna a bânsan a, BJP a zawm a, Mamit bialah BJP candidate-in a ding dawn a. Amah rawn campaign pui túrin thawhtanniah Prime Minister Narendra Modi lo kal a tum, tumna tûr Helipad chu Sorkar lamin an tizau tawh a, mahse Pu Modi hian a rawn thulh a, a aiah Union Home Minister Amit Shah a lo kal dawn a, a lo kal hun tur erawh chu hriat a la ni lo. Akashvani puan zêl danin, BJP hmunpui lam hruaitute sawi danin anmahni chauhvin sorkarna an siam loh pawhin inthlan zawhah sorkarah an tel ve dawn a, Mamit biala Pu Lalrinliana Sailo hi thlan tlin a nih chuan sorkar tharah Deputy CM a ni dawn a ni, tih a ni.
BJP hian MNF a bei nasa ta viau a, BJP National President, JP Nadda meuh pawhin MNF sorkarin sorkar sum a enkawlnaah thil fel lo tam tak a awm avângin Mizoramah an Sorkar chuan thudik puan chhuahna, White Paper chhuah a, puan an tum bâkah Campaign pahin Mizoram tâna thil tha leh îtawm tam tak a sawi bawk a ni.
MNF Party pawhin BJP chuan MNF chu hmelma ena enin hnawk a ti ta hlê a, BJP-in thawhpui an tum, ZPM erawh chu an sawisel ve duh lo a ni, an ti. Mizo sakhua leh hnam chawi liantu an nihna angin BJP nêna thawkho angin mi’n sawi thin mah se, hetia rusum thlâk meuhva a rawn beih takah hian mipui hriatin an thawhho lohzia a tilang a ni, an ti bawk.
Akashvani October ni 28 tlai dar 6.30 thu thar puan chungchang duh tâwk ta ila, Mizoram hi Meghalaya leh Nagaland te nên hian India rama Christian State tia chhâl ngam an ni hlawm a. An pathum hian Regional Party theuh te hmangin BJP nên National Democratic Alliance (NDA)-ah North East Democratic Alliance (NEDA) thawkhona hmangin an thawkho vek a. An mipui te’n an duh vak lo chunga engvânga BJP thawhpui hi túl ti ta tlat nge tih hi hriat a ni lova, mi tam tak rin dânah chuan Party puihna sum leh an Sorkar thil tih dik lo haider (mit chhing) thei túra an beisei vâng pawh a ni mahna.
Mipui hi mâwl tak angin lang thin mah ila, kan ram, kan hnam leh kan sakhaw himna tak tak awmna Party chu kan hre fuh thei tawh ang