Helho beihna vangin Israel-ah mi pakhatin nunna chan

Pathianni khan Israel chhim lam khawpui pakhat Beersheba-ah hel ni ngeia hriat chuan silai hmet puakin, hmeichhia kum 25 mi a boral a, mi 10 chuangin hliam an tuar bawk.
Thuneitute sawi danin, silai hmetpuaktu hian bus station-ah silai hi hmet puakin, a duh lam lam hawiin a kap niin an sawi a, helhote thiltih ni ngeia a lan thu an sawi.
He thil thlen thu a hriat veleh Israel transport minister Miri Regev chuan, helho nuaibo tura an ram chuan ke a pen nghal thu a sawi a, kawng hrang hrang atanga min beitute lakah hian Israel chu a tlawm mai dawn lo, a ti.
Israel hian an thenawm ramte nen buaina an neih nasat lai a ni a, tuna thil thleng pawh hi anmahni dotute thiltih ni ngeia ngaiin, Israel mipuite chu zam lova, an ram beitute beih let kawngah sorkar thawhpui zel turin an sawm bawk.