Heroin leh ganja man

Excise & Narcotics Department chuan tun ni hnih chhung khan hmun thumah ruihhlo – heroin leh ganja an man.
January 29 tlai dar 4.20 khan New Vervek bawlhhlawh paihna bulah ganja kg. 186 leh a neitua puh mi pahnih – Felix Malsawmdawngliana (20) Senvon Manipur leh Hmingthanglien (34) Rengkai Muanhlum Manipur-a khawsa nia inchhalte an man a. Ganja phurhna atana hman TATA YODHA MZ01 X 6743 pawh hrensak an ni.
January 29 tlai dar 6.15 khan Pukpui Lungleiah heroin gram 122.870 (hawng 10) leh a neitu nia puh nupa – Immanuel Lalrinchhana (34) leh C Lalramnunmawii (35) ITI Veng Aizawla khawsa ve ve nia inchhal chu an man. Heroin phurhna atana an hman Magnite car MZ-01 Z 5699 chu hrensak an ni.
Excise & Narcotics Department leh Central YMA Kumpuan Committee thawkdun chuan January 30 zing dar 7.00 khan Khatla-ah heroin kg. 1 & gram 620 (hawng 95) an man a. Chhui zui mek a ni.