MINECO-a Gauhati High Court Aizawl Bench building chhawng thumnaah naupangte inawmtleina tur hmun, creche siam chu Zirtawpni khan Gauhati High Court chief justice Vijay Bishnoi chuan a hawng a. Gauhati High Court judge pahnih – Justice Michael Zothankhuma leh Justice Kaushik Goswami ten an tawiawm.
Women & Child Development department Aizawl Urban ICDS Project – Mission Shakti hnuaia din creche hi hmeichhia leh naupangten hamthatna tha zawk an dawn theihna tura ruahman niin, project PALNA hnuaiah Anganwadi cum Creche hi siam a ni a. Naupang thla 6 atanga kum 6 inkar, nu hnathawh neiten he hmunah hian an hnathawh chhungin an fate an dah thei dawn a. A hmunah hian ei leh in tur leh an mutna tur bakah day care facility pek thin tur a ni.
High Court-ah creche siam
Get real time updates directly on you device, subscribe now.
Prev Post