Hindutva-in sakhuana nena inzawmna a nei lo ti

“Soft-Hindutva” in awmzia a nei lova, Hindutva hian ‘sakhuana nen inzawmna a nei lo’ tiin senior Congress leader Digvijaya Singh chuan Congress ten politics lama hamthat nan Hindu majority te an play dawn em tia zawhna a chhang.
“Hindutva hian sakhuana nen inzawmna a nei lo, hei vang hian soft-Hindutva in awmzia a nei lo” tiin Rajya Sabha MP chuan Mahdya Pradesh State Assembly inthlan tura Congress inpuahchah mek laiin a sawi a.
“Politics-ah sakhuanain hmun a nei lo, sakhuana chungchangah chuan tute pawhin a duh sakhua a zawm thei. Sakhuana hmanga vote zawn hi dan bawhchhiatna a ni,” tiin a sawi.
Singh chuan BJP ideologue leh freedom fighter VD Savarkar chu “Hindutva” tih phuahtu a ni a ti a. “Hinduta leh Hindu leh Sanatan Dharma-in inzawmna a nei lo tiin a sawi a. He ram hi mi tin te ta a ni” tiin Congress leader chuan a sawi bawk.
Thuneihna an chang a nih chuan Congress ten RSS leh Bajrang Dal te dan pawna hnawl an tum em tia zawhna chu, “Pawl te dan pawna hnawl theihna chu central sokar thuneihna a ni. Dan pawna hnawl an ngai lovang Bajrang Dal-ah pawh mi tha tak tak an awm a. Mahse, buaina tichhuak zawnga leh thiltichhe tura inturna lam hawia tawngkam nei te lakah chuan kan khauh ang,” tiin a sawi bawk.
A hmain Congress te chuan Karnataka manifesto an neihah Bajrang Dal te chu dan pawnah hnawl an ni ang an ti a, hei vang hian inhnial buaina nasa tak chhuakin BJP te chuan an inthlan thutiam tihlawhtling ngei turin an cho zui bawk.
Singh chuan Congress te chuan Assembly poll kumin kum tawp lama neih turah beiseina sang tak an neih thu a sawi a. “Kan inpuahchana te kum 2018 aiin a let 1.5 in a tha zawk” tiin a sawi bawk a. Seat 230 awmnaah seat 150 chuang la se mak an tih dawn loh thu a sawi bawk.
Kum 2018 inthlanah khan Congress ten seat 114 an la a, BJP te chu pahnihna niin seat 109 an la a. Kamal Nath chuan sorkar a siam hnuah Congress legislator 22 te chu helin BJP ten thuneihna an chang leh zui a ni.
BJP te chakna tia sawi seat 66 bikah hmalak an tum dan sawiin Singh chuan, “Result tha kan neih kan beisei a. Mipui ten BJP chief minister Shivraj Singh Chouhan an a thutiam a tihhlawhtlin loh avangin an lawm lo a ni. Hei vang hian kan chet that kan ring,” tiin a sawi.
Congress leader chuan hmun thenkhatah erawh an organisation chu a chauh thu sawiin mahse kum 2018 aiin result tha zawk an neih a rin thu a sawi thung a.
“Discipline leh rinawma kan awm a nih chuan tute mahin Congress party min hneh thei lo. Kan organisation a chak lo tih ka hria a, mahse kum 2018 aiin kan chak tawh zawk a. Kan tihsual te siam thain chet kan la mek a, result tha kan nei ang,” tiin a sawi bawk.
BJP sorkar chu eiruknaa inhnamhnawihah puhin, “Ziakin a awm reng a lawm. Kum 1992 yatra an neihnaah Ayodhya a Ram Temple sakna tur crore tel an dawng khawm a. Vawiin thlengin khang sum an hman dan report kha a la awm lo. Kumbh Mela-ah eirukna a awm a, Mahkal corridor siamnaah eirukna a awm a ni,” tiin a sawi bawk.