HIV/STI laka fihlim turin intiam

Sawrkar laipui ruahmanna, ‘Intensified IEC Campaign – India Fight Against HIV/AIDS & STI’ kalpui mekah Thawhlehni zing khan zirlaiten Aizawlah kawng an zawh a. HIV/AIDS leh inpawlna atanga natna inkawichhawn theih (sexually transmitted diseases) laka fihlim tur leh an nun uluk turin rinawmna thu an tiam.
HIV/AIDS leh STI tirem tura hmalakna hrang hrang zingah heng thalaite zinga natna in nun a khawihchhiat theih dan leh inkaidarh theih dan inhrilhriat a, fimkhur tura inzirtir chu ngaihpawimawh lian tak a ni.
Chumi kal zelah chuan zirlaite tan rally buatsaih a ni a. District hrang hrangah hman niin, District AIDS Prevention & Control Campaign Aizawl buatsaih Aizawla rally-ah hian hmun hnih – Sikulpuikawn leh Chanmari kawn atangin zirlaiten thuziak (placard) kengin kawng an zawh a. Vanapa Hall kawtah intawkkhawmin, hun tawp siam a ni.
DAPCC vice chairman, senior chief medical officer Dr Lalbiaksiami leh chuan Sikulpuikawn atanga chhuak turte vailiamin, DAPCC vice chairman tho, senior chief medical officer Dr Lalparliani chuan Chanmari point atanga chhuak hi a vailiam. Vanapa Hall kawtah hian DAPCC member secretary, deputy chief medical officer Dr R Lalnienga chuan hmanpuiin, ruihhlo leh nupui pasal neih hmaa mipat hmeichhiatna laka fihlim tura an intiamna a kaihruai a ni.
Rally-ah hian zirna in 40 chuang atangin zirlai thehnem tak an tel a. Ruihhlo ngaite enkawlna institution hrang hrang atangin an tel bawk.