HIV+ tam berna chu Aizawl District

District lian ber, mihring tam berna a ni bawk a, Aizawl district hi thil hrang hrangah a chung berah a awm thei khawp mai. HIV+ tam berna pawh a ni a, a tir a\angin Aizawl district hi HIV+ tam berna a ni char char. Mizoramah HIV+ hi mi sing hnih dawn an awm mek a, mi 19,837 an ni. Chung zinga a tam ber, a zatve aia tam zawk fe, mi 11,128 chu Aizawl district-a mi an ni.
Champhai district-in an dawt a, HIV+ hi mi 1,725 an awm. A dawt lehtu chu Kolasib district a ni a, mi 1,502 an awm. HIV+ 1,324 awmna Lunglei district-in an dawt leh. Heng district palite hi HIV+ tamna an ni thin hrim hrim.
2020 hnuah HIV+ hmuhchhuah thar mi 11,032 an awm a, Mizorama HIV+ awm mek zinga a tam chu 2020 hnua hriatchhuah an ni tihna a ni.
HIV+ te hian ART (Anti-Retroviral Therapy) an la thin a, mi 18,694-in an la mek. ART la lo hi mi 1,143 an ni.
Mahni duhthua la lo te, hmun danga insawn, chhui zui theih loh te, treatment an ngeih loh vanga doctor-in an chawlhtir rih te, Pathiana damna chang, treatment lak chawlhsante an ni tlangpui.
HIV+ awm zat:
District HIV+
Aizawl 11,128
Champhai 1,725
Hnahthial 284
Khawzawl 437
Kolasib 1,502
Lawngtlai 749
Lunglei 1,324
Mamit 697
Saitual 469
Serchhip 818
Siaha 704
Total 19,837