Hlawhtling takin Thla-a South Pole-ah tum

India Moon rover chu, history siama India chu south pole-a tum hmasa ber a nih hnuah thla leilung rap turin pawnah a chhuak ta a.
Chandrayaan-3 rover chu lander atanga chhuakin “India chu thlaah a kal ta” tiin space agency te chuan an sawi a ni.
Vikram lander chu Nilaini tlai lam khan hlawhtling takin thlaa south pole-ah a tum a ni.
Tihian India chu Thlaa tum thei ram tlemte zingah telin US, Soviet Union leh China te a zui ve ta a ni.
Pragyaan (Sanskrit tawnga finna) tih hi 26kg a rit niin Vikram lander-in a phurh a ni a. Hlawhtling takin a phurtu Vikram lander atanga chhuakin thlaah a tum thei ta a ni.
Tunah chuan Pragyaan hian thlaa lung leh crater data pawimawh tak tak tlalakte chu lei lama zirchian turin a thawn thei dawn ta a ni.
Pragyaan hian scientific instrument pahnih keng telin lunar surface a mineral awm te leh lei (soil) chemcial compositon te hriatfiah a tum dawn a ni.
Pragyaan hian lander nena inbe pawp rengin Chandrayaan-2 – thla hela awm mek hnenah chuan lei lama lo zirchian turin information a pe chhawng leh dawn a ni.
Indian Space Research Organisation (ISRO) chuan rover chu second khatah 1cm a chaka kalin a kalna a piangah thlaah chuan Isro logo leh emblem wheel paruk te chu a thlauh zel dawn bawk a.
Thlaa tum ni hi lunar day intan ni chiah ni bawkin thlaa nikhat leh lei lama ni 28 intluktlan ni chiah ni bawkin chumi awmzia chu lander leh rover te chuan an battery te charge thei turin ni 14 hun an nei thei dawn bawk a ni.
Zan a nih chuan battery te chu indischarge maiin a thawk dawn lo zui a. Mahse, lunar day intan leh hunah an lo let leh dawn em tih a chiang lo thung.
Lander hian scientific instrument tam tak kengin chungte hmang chuan Moon surface leh a chunglam leh hnuai lama thil awm te hriatfiah tum a ni dawn a ni.
Thla hian mineral pawimawh tak tak a nei teuha ngaih a ni a, mahse Chandrayaan-3 in a tum ber chu tui a awm leh awm loh finfiah a ni a, scientists te chuan south pole region a khuar thuk takah, thimin a hliah khuh rengah chuan vur a awm ni ngeia ngaiin chu chu nakin zela thlaa mihringte chen theihna siam theitu tura ngaih chu a ni.
Tun hi India-in lunar mission a kalpui tum hnihna niin kum 2019 khan tum lo tum tawhin a hlawhchham thung a, tum a tumna lamah a lander leh rover te chu tihchhiatin a awm a, a orbiter erawh a him hlauh thung.
India chauh hi ram dang zinga thla ngaihventu a ni lo va, khawvel huapin thla chuan ngaihven tun hnaiah a hlawhzual hle a. Scientists te chuan deep space luh nana pawimawh bera ngaih thla chu la hriatfiah zual ngai tiin an sawi.