Hlep nei thei turin ZIDCO siam tum

Hlep nei thei turin ZIDCO siam tum
Hloha kal leh sawrkar chhawmdawl ngai thin nia sawi ZIDCO chu Mizoram sawrkarin hlep neia kal turin ruahmanna a siam mek tih sawi a ni.
Commerce & Industries minister F Rodingliana sawi danin, Zoram Infrastructure and Industrial Development Corporation Limited (ZIDCO) hloh (loss) tibo turin hlep (profit) siam a ngai a, hlep nei theia siam turin hmalakna leh hmachhawp hrang hrang an nei.
Sawrkar tharin ZIDCO kal zelna tura ruahmanna a siam dan sawiin, “Chief executive officer/ managing director hi Mizoram sawrkara officer-ten an kawp thin a; sawrkar thar chuan management lama mithiam, State Bank of India-a deputy general manager thawk lai chu ‘deputation’ a lachhuakin, a ni hian ZIDCO managing director hna hi 2024 March 11 khan a zawm tam a ni,” a ti.
Sawrkar thar chuan ZIDCO hi mahnia inchawm (self sustain) a kal thei turin tuai thar a tum a, development banking role pawh dap belh tura tih a ni tih minister hian a sawi a. “Infrastructure development activity lamah kal nasat pui tum a ni a, sawrkar laipui leh state sawrkar hnuaia project implementing/ construction agency ni a, project work khawih theia siam tum a ni,” a ti.