Hmarchhaka basketball thiam berMt. Carmel School

Last updated Jul 19, 2025 11 0

Hmarchhaka basketball thiam ber
Mt. Carmel School
July ni 12-15, 2025 chhunga Assam Valley School-in a tumkhatna’na an buatsai 1st North East Basketball Tournament 2025-ah Mizoram atanga sikul inlan awmchhun Mt. Carmel School, Chaltlang an champion.
Balipara khuaa khelh zawh tak he inelnaah hian Assam Valley School Black leh Mt. Carmel School hi final-ah an insu a, 96-62-in Mizoram aiawhtu Mt. Carmel School hian hnehna an chang ta a ni.
Mizo sikul aiawha khel Jason Vanlalhruaia, Chanmari veng chu player tha leh hlu ber most valuable player (MVP) atan thlan a ni nghe nghe.
Mt. Carmel School hian Lalruatfela (Afela) coach-na hnuaiah he inelna hi an hmachhawn a; assistant coach hi John Lalchhanchhuaha niin, an school coordinator John MS Dawnga Sailo chuan a uap bawk a; phaitualah hian player 12 an fehchhuak a ni.
Intihsiaknaah hian Assam atangin sikul pathum an chhuak a, Meghalaya leh Arunachal Pradesh atangin sikul pahnih ve ve leh Mizoram atangin pakhat an tel.