Hmeichhe bulah sawi tur thlan thiam

Hmeichhe bulah sawi tur thlan thiam
I kawppui te bulah thu sawi tur i thlan thiam a tul khawp mai. Thu pawi ni awm pawha i ngaih loh kha i sawidan leh tawngkam hman a zirin a pawi thei a, in inkar tichhetu hial pawh a ni thei. Chuvangin hmeichhe rilru tihnat loh dan tur ni a relationship lama mithiam te sawi kan rawn tarlang e.
1. Hmeichhia chuan a thiante chu a chhungte ang hialin a ngaipawimawh thin a nia, chuvangin a thiante i ngaina tehchiam lo a nih pawhin sawi chhuah loh a tha zawk a, kawmngeih ve tum zawk mai rawh.
2. Tih tur leh tih loh tur hrilh ching suh. Thupe niawm taka thil hrilh fo te hian a rilru a tina thei tlat. Tih tur hrilh ai mahin tih loh tur hrilh deuh sek hi an ngaithei lo zawk mah nghe nghe.
3. Ama (hmeichhia zawk) thutlukna siam tur niawm takah thutlukna lo siam khalh ching suh. Chutiangin inpahnih nghawng tur thilah reng reng nangmaha thutlukna siam mai lovin inrawn tawn thin zawk tur a ni. Mipa nih vangin engkim i thu anga kaltir vek tum tur a ni lem lo a nia!
4. Ngaihzawng engzat nge a neih tawh, tih te hi hriat i chak viau anih pawhin ngawihbo pui mai mai chi zawk a ni e.
5. Thil eng emaw, sawi that duh vak loh a neih chuan zawh chhuah talh tum lem suh. “Engtin maw?” ti a zawh nawn tluk tluk khan thinrimna leh inhauhna a thlen zawk hlau thei a nia.
6. Hmeichhe bulaah insawi thei suh. I hausa emaw, eng anga thil tha pawh nei la, i hlawhtlinna pawh ni se, a insawi thei zawng leh chapo zawnga lan zawng hmeichhe rilru tithleptu mai a ni zawk hlauh thei!