Hmeichhe chak- tandem deadlift record an siam

Hmeichhe chak- tandem deadlift record an siam
Izzy Tait, kum 42, leh Sam Taylor, kum 44, te chuan Ultimate Striongwoman competition-ah kg 454 an deadlift a, Guinness World Record, hmeichhe zinga tandem deadlift rih theih ber an ni. Tandem deadlift chu mipahnih rit chawi dun ti ila a dik mai awm e. A hmaa hmeichhe zinga tandem deadlift rit ber record chu kg 245 a rit a ni a, he record hi an rawn khum chiang hle a ni.
Sam Taylor hi Wales chhimlama cheng a ni a, Tait hi Dundee a cheng a ni ve thung a, an pahnih hian nitin hnathawh nei an ni ve ve a, chutihrualin rit chawi lamah an tui dun a, record siam thei tura in-train-na hun an insiam a ni. Tandem deadlift-ah hian rit chawina thir tlawn pakhat sei tha tak an hmang a, a thir tlawm hmawr tawn tawnah an chawi tur tir bial rit an rem ve thung a, tichuan thir tlawn pakhat chu an chawi dun ta a ni. Hetah hian an rit chawi chu a in-balance te a poawimawh a, timing thlengin tihfuh a ngai hle a ni.
Sam Taylor hi tunah hian khawvela hmeichhe chak ber zawnna pathumna ni lai a ni a, ani hi chu Guinness World Record-ah a mikhual tawh bik lo a, 2021 khan a partner Sue Tayloe-Franklin nen thlawhtheihna tinne 48 a rit chu second 37 chhungin meter 20 a thui an ghnawk tawlh hman a, a hmaa hetiang record chu minute thum laiin an rawn khum a ni.
Tait hi chu Guinness Woreld Record bu-a a hming a chuan vawi khatna tur a ni a, mahse, ani pawh hi Masters’ world record deadlift holder niin, kg 272.5 a deadlift thei a ni.