Hmeichhe hip theihna thuruk
Hmeichhe hip theihna thuruk
|hiante nula rimnaah i zui ve reng ringawt a, nangma puala han len ve keuh keuhna tur i nei ve thei mang lo em ni? Relationship lama mithiam ten hmeichhe mita i lan that theih dan tur leh i hip theih dan tur a awm niin an sawi.
Hmeichhe hip tur chuan hmelthat ringawt a tawk lo (hmelthat chu a pawi chuang miah lo), i han kiai deuh sak pawha hmeichhiain a chhang let lo che a nih chuan i tihdan dik lo a awm te pawh a ni thei. Tunlaiah thiamna a sang tawh a, hmel te chu a siamthat theih khawp mai a, chumi piah lama hmeichhe hip theih dan niin relationship lama mithiam te sawi kan rawn tarlang e.
1. I awmdan leh chetzia atangin hmeichhia chuan eng ang inngaihzawnna boruak nge i melh tih a hrethei. Inrim laia i nuih hnem a, tihnuam taka i awm chuan hmeichhia ten ngaihzawng nghet (long term relationship) tur i zawng niin an ring thin. Chuvangin, rei tak kawp tur i melh a nih chuan that chhuah hmasa phawt ang che.
2. Tunah chuan hmeichhia ten mipa rimtui an ngaina tih chu kan hre vek tawh. Mahse, perfume lo hman over chu a pawi leh tlat. Rim na teh vût lo, nam deuh viai a tawk vel lek. Mihring hian taksa rim pangngai kan nei a, hmeichhia ten mipa rim chu an hre thei tlat. Chu i mipa nihna rim zawng zawng hliah tura perfume hman chu a fuh lo. Mipa rim kan tih vanga nula rim dawna inbual loh tih lam erawh a ni lo tih hre tel ang che.
3. Mipa zawng zawngin Hollywood star te anga hmaifang tha kan nei vek lo, chutiang hunah chuan hmuihmul leh khabe hmul te a tangkai ve tlat. Mithiam ten zirchianna an neihah, hmeichhia ten an vanglai tak hian mipa hmai hriam lampang leh khabe ruh lian leh tlema zum lam deuh an hmu tai riau thin. Chutiang mi kan nih ve loh pawhin hmuihmul leh khabe hmul te kan hmang tangkai thei ang.
4. Mipa piannalh leh inkhaithli deuh zeih zawih hi hmeichhia ten an duh ve riau, chuvangin i taksa pianzia siam mawi turin exer lak leh gym a kal te taima la. Chutiang i ti hman lo a nih pawhin i thawmhnaw hak tal uluk ang che. Thawmhnaw i lei dawnin thui sa aiin i hak tawk leh i taksa rem deuh tur leh i dar ti lang pharh deuh thei tura thui chawp tir a fuh zawk. I lan slim deuh zawk theih nan v-neck top hak te ching la.