Hmeichhe pakhat, kum 69 mi thihnaah mipa kum 33 mi man

Hmeichhe pakhat, kum 69 mi thihnaah mipa kum 33 mi man
Wales-ah hmeichhia, kum 69 mi thah thubuai avangin mipakhat man a ni a, a chungthu ngaihtuah mek a ni.
He hmeichhia hi a hming tarlan a ni lo a, hliam na tak tuar chunga hmuh niin, damdawiin thlenpui a nih hnuah a hliam tuar lovin a boral zui a ni.
Kar liam ta khan North Wales Police te chuan an thudawn bawhzuiin, Cefndy Road, Rhyl, Denbighshire hmuna in pakhat an luhchilh a, he thil duhawm lo thleng hi an hmuh thu an sawi.
He pawikhawihnaa inhnamhnawiha puh a nih avangin Dean Mark Albert Mears, Bodelwyddan Avenue, Kinmel Bay, Conway county a chengte chu rinhlelh thilah police ten manin, naktuk hian magistrate hmaah a inlan dawn a ni.
He thil duhawm lo thleng chhuina kal zelah hian hmeichhia kum 25 mi chu man tel ni bawkin, ani erawh hi chu bail a chhuah lailawk a ni a, hnuchhuitute chuan thudik a lan thuai theih nan theihtawp an chhuah reng thu an sawi.