Hmeichhe pheikhawk keartui sang bun chunga hnung zawnga tlanin record siam

Keinin hmeichhe pheikhawk keartui sang bun chunga hma zawng pawha kal kan harsat dawn nak laiin, Christian Roberto Lopez Rodriguez (Spain) chuan hetiang pheikhawk bun chung hian hnung zawngin second 16.55 chhung lekin meter 100 a tlan thleng hman a, Guinness World Record a siam. A hmaa hetiang record pawh ama siam tho hi niin, second 20.05 chhungin meter 100 a tawlh thleng hman a, second 3 velin a record a rawn khum leh ta a ni.
Guinness guideline-ah chuan hetiang record siam tur ian pheikhawk keartui chu 7 cm (inches 2.76) tala sang a nih ngei a ngai a, a keartuiin lei a rahna lai chu 1.5 cm (0.59 inch) aia zau lo a nih a ngaih bawk. Platform phal a ni lo.
Christian hian high heels pawl leh mawza pawl bunin, kekawrbul sen leh kawr senno deuh a ha a. Theihpalingkawha chakin hmalam hawi chungin hung zawngin a tawlh ta par par ta mai a ni.
Christian hi Guinness World Records-ah a mikhual tawh lo hle a, record dang pawh a lo siam nual tawh a, clogs (silipar kaihna awm ang chi) bun chunga meter 400 thleng rang ber (minute 1 leh second 1.38), silipar bun chunga meter 100 thleng rang ber (second 12.10), kut zungtanga pool cue balance chunga mel khat thleng rang ber (minute 5 leh second 52.30), thirfian sehkawh a artui dah chunga meter 100 thleng rang ber (second 17.21) record te pawh a lo siam tawh.