Hmeichhe tan – Mipa hip nan hnawihsen!

Hmeichhia te tan mipa mit lak i duh chuan i mitmeng han tihdanglam vel leh sam han ti huih lampang a ni lo. A pawimawh ber chu hmui tih kawihsawih thiam a ni. Hmeichhe taksaa mipa mit la awlsam ber chu an hmui a ni a, chutah pawh lipstick sen lar takin mit a la lehzual.
Manchester University-a scientist rual ten zirchianna an neih hnuah mipa pangai chuan a hmeichhe tawn vawikhatna chu second 10 chhungin second 5 vel a hmuiah a mit a fu chat niin an sawi.
Hmeichhia hian lipstick senno a hmang a nih chuan khawdang hawi harsa a ti a, second 6.7 vel a hmui a thlir a, lipstick sen lar a hman phei chuan second 10 chhungin second 7.3 vel zet a thlir hman.
He zirchiannaah hian mipa 50 te chu hmeichhe hrang hrang an hmuh a, an mit chet dan (eye movement) an zir nasa hle a, hmeichhe lipstick hmang te chu mipa te hian chawhrualin second 10 chhungin second 7 vel an thlir hman a, an mit thlir nan 0.95 second chiah an hmang a, an sem-ah phei chuan second 0.85 chiah an mit a fu hman.
Mahse, hmeichhia ten make-up an hman loh chuan mipa te pawhin an hmui an thlir reng peih bik lo, second 10 chhungin second 2.2 chiah an en hman a, chutilaiin an mit thlir nan second 2.97 an hmang ta thung a, an hnarah second 2.77 chhungin an mit a fu hman bawk.
He zirchiannaa hotu Dr Geoff Beattie chuan, “Hei hian hmeichhe hmui hi mipa nena inhip tawn nan a tangkai ber pawl a ni tih a lan tir a. Hmui a mawi tawka pawrh, sen vam ham mai hi mipa lak nana duhthusam a ni,” a ti.