Hmeichhe tana hriat tur pawimawh te

Hmeichhe tana hriat tur pawimawh te
Mipain hmeichhia te hriatthiam an harsa an ti a, chutiangin hmeichhe tan pawh mipa hi hriatthiam an har ve tho. Mipa rilru ni awma i rin te kha a lo ni daih thei a, chuvangin fimkhur a ngai ve riau a nia.
Hetiang a nih vang hian relationship lama mithiam te chuan hmeichhe tana hriattir pawimawh ni-a an hriat an sawi te kan rawn tarlang e.
1. Mipa-in a rawn call che avang ringawtin a ngaizawng ta che emaw ti nghal ngawt suh. A chhaih vel lek che pawh a ni thei a nia.
2. Make-up hman nasat lutuk hi mipa tam zawkin nalh an ti mang tlat lo! Make-up chi hrang hrang inchher chhuan thuah tun te hian an mit a la lem lo. Simple taka inhnawih mai kha mawi an ti zawk.
3. In pahniha inawm dun laiin i thian te nen in inhmu thut a, in tz chel chul a, in zuang deuh tawr tawr a. Khatiang kha mipain naupang chhia an ti teh mai a nia.
4. Thiante nena awm khawm laia lo inhrilh ruk bik te, SMS lo inthawn bik te, lehkha them in pek kual deuh bik te kha mipain an ngaithei mang tlat lo.
5. Mipa chuan a hairstyle i ngaihdan kha a hre chak a, chutiang a inchei dan te, a taksa lan dan leh a vun lan dan mai mai te pawh. Chuvangin mipa chu a hairstyle thar inhmeh i tih chuan hrilh la, i tih lem loh chuan engmah sawi lo mai rawh. “He kawr hi i van ha ngun em em” tih te chu sawi chi miah loh a nia aw.
6. Mipa chuan hmeichhia ten thlatin hunbi an nei thin tih an hria, mahse, chumi chhuanlama thinchhiat leh phunchiar te chu ‘excuse’ tlingah an ngai lo.
7. I thau leh thau loh chungchang te sawipui tum lem suh. Mipa chuan a ngaihzawng chu then a duh te a nih loh chuan, “I van thau em em,” a ti dawn miah lo. Hetiang lampang sawi hi an ning a nia.
8. I pian a nalh viau a ni mai thei, mahse, i ngaihzawng chuan taksa lang tam lutuk chi thawmhnaw ha tur chuan a duh vak lovang che.
9. Mipa a laka i rilru put hmang hrilh tlang law law rawh. I duh a nih chuan duh lo anga awm der vel a tul lova, i duh lo a nih pawhin beiseiawm thei tur anga lan vel a tul chuang lo.