Hmeichhe tana kalsan chi mipa

Psychology-a professor Jill Knapp chuan hmeichhe tana kalsan nal nal chi mipa an awm niin a sawi a, chutiang mipa te chetdan leh an mizia te chu kan lo en liam mai thin a, mahse, hrethiam i la chu kan tan kalsan a tha zawk daih niin a sawi.
1. I lawmna tel ve ngai lo mipa chu kalsan daih rawh. I piancham i lawm emaw, eng emaw hlawhtlinna i nei a, i lawm emaw, Valentine’s Day a ni emaw, a lawmna i buatsaih chu a pui viau emaw, ho te pawh ni se, i sawm chung pawh a chhuanlam eng emaw siama tel pui ngai lo che chu kalsan daih rawh.
2. Tu emaw mipa i tawng a, in inmil hlein i hria a, a bula awm pawh nuam i ti. In inhau ngai lo va, a chhan chu inhauhna chhan tur in nei lo! Chu mipa nen chuan in inzui rei ve ta fu a, mhase, inneih lam i sawi dek dek a, chhuanlam a siam nghal zung zung a. A zirlai emaw, a hna emaw, a chhungte emaw, thildang emaw pawh a ni thei. Chutiang chhuanlam hmanga a hnial che a nih chuan kalsan daih rawh.
3. In inzui ve viau tawh a, mahse, thu tak tak a vai pui ngai lo che a, tawngkam thlum satliah ringawt i dawng a. In inhau ngai lo, a chhan pawh a nihna tak tak hre turin i lakah a inhawng tlat lo a lawm. I ning ta a, inthen i rawt a, hrethiam takin a lo pawm ve nghal mai a. Thla hnih khat a liam a, i rin loh takin a rawn be pawp leh ta che a- tichuan ngai leh ngaiah inkual leh dawn ta tihna lek a ni.
4. Mipa chu a thikthu a chhe hle a, i incheina chungchang ringawtah pawh tawng pawng thinrim chiam zel ringawt bulah chuan i hlim lo vang.
5. Mipa chuan a chhuah vah pui tha duh lo che a, bazar kal dun emaw, eng emaw tihpui nikhuaa kal dun emaw te pawh a rawt ngai lo. A thiante nen pawh a inhmelhriat tir lo che a, chutiangin i thiante nena inhmelhriat tir theih pawh a ni lo. A zahpui che tihna a ni thei a nia.