Hmeichhiain a duh che tih hriat theih dan

Hmeichhiain a duh che tih hriat theih dan
Hmeichhe tan mipain a duh rilru ve deuh che em, tih hriat theih kan tarlang tawh a, tun tum chu mipa tan, hmeichhiain a duh che em, tih hriat theih dan kan rawn tarlang ve leh thung e.
In vawikhat intawnnaah hmeichhia chuan i lakah eng rilru nge a put, a duh zawng i ni em, tih inhriat theih dan a awm niin relationship lama mithiam ten an sawi a. A duh thu che a sawi nghal ngawt lovang, mahse, a chetzia leh a tawngkam atangin a hriat theih tlat. Chutiang i hriat thiam loh vangin hun tha tam tak i lo bawhpelh reng tawh a ni mai thei a sin!
1. In inhriat hma hauh pawhin a lo en leh reng thin che a, in mit a intawn ve leh a mit a la sawn leh daih ang. Chutah, i la en ve em tih hre tur niawm takin a rawn melh leh ang. A chetsawnna lam apiangaha mit a lên ve zel a. Chutiang a nih chuan lawm viau mai rawh. Mahse, awmze nei taka i melh let ve hmain i bul hnaiah chutianga a en leh thin tur awm thildang/ midang an awm em tih chian hmasa phawt ang che.
2. In inhmelhriat hnuah nui sak chungin a hming a hrilh che a, chumi hnuah chuan a sam a khawih deuh sek a, a nui nasa sawt a, a taksa siam rem niawm takin a che deuh sek a. Chutiang a nih chuan boruak a fuh hle tih hrethiam mai teh.
3. A tawng zawngin i darah a rawn khawih emaw, a nuih zawngin a rawn khawih che em. Inthu dun a nih chuan i khup leh a khup han insik tir la, a la sawn lo a nih chuan, score! Chutiang nilova han innawk fuh palh ringawt pawh hlau niawm taka a awm chuan, kalsan mai rawh le.
4. I chhan let ngei ngei ngai chi zawhna a zawt deuh sek ang che, a chhanna pawh ‘aw’ leh ‘aih’ tih maia chhan lo chi, sei deuh hleka chhan ngai chi a ni thin ang. Chutiang a nih chuan kawm nel che a duh tihna a ni.