Hmun hnihah heroin kg. 3 chuang man

Excise & Narcotics Department chuan hmun hnihah heroin, a vaiin kg. 3 chuang an man.
August 25 chawhnu dar 2.40 khan Tuirial Vengchhakah heroin kg 1 & gram 310 (hawng 100) leh a neitu nia puh mi pahnih – Ali Hussain Laskar (40) Silchar Assam leh Sebul Haque Barbhuiya (28) Cachar district Assam-a khawsa nia inchhalte chu an man. Heroin phurhna atana hman TATA 3118C truck MZ01 R 5429 pawh hrensak a ni.
August 28 zan dar 10.45 khan Selingah heroin kg 2 (hawng 149) leh a neitu nia puh – Bokul Uddin (23) leh Sabil Ali (24) Karimganj district Assam ve ve nia inchhal an man. Heroin phurhna atana hman Bolero pik up AS10 AC 1929 pawh hrensak a ni.
Heroin hi Myanmar atanga lak, Mizoram pawna hralh tur a ni a. ND&PS Act tlawhchhanin thubuai siamsak an ni. Court-in thiam loh a chantir chuan kum 10 atanga kum 20 chhung jail tantir leh sumfai nuai khat atanga nuai 2 thleng chawitir tela hrem theih an ni.