Hmun hnihah heroin man

On Jul 25, 2024 21 0

Excise & Narcotics Department leh Central YMA Kumpuan Committee tangdun chuan July 24 zing dar 12.40 khan Bawngkawn (Zosangliana Point) ah heroin gram 450 (hawng 38) leh a neitu nia puh mi pali – Lalhriatpuia Renthlei (29) Khawzawl; Vanlalrova (41) Rangvamual, T-Section; Lalhmachhuana (42) Bawngkawn Shalom Veng leh Aloysious Lalrinchhana (32) Bawngkawn Shalom Veng nia inchhalte chu an man. Heroin phurhna atana an hman Maruti Alto 800 taxi MZ01 R 1762 pawh hrensak an ni.
Excise & Narcotics Department hian July 23 tlai dar 6.00 khan Bethlehem Vengthlangah heroin gram 28 (hawng 2) leh a neitu nia puh mi pathum – Lalrodinga (49) Tamu Myanmar; Lalawmpuia (34) 1st Bn MAP Quarter Armed Veng leh Lalbiakchhunga (27) Mission Vengthlang nia inchhalte chu an man bawk.
Heroin vanga mante hi ND&PS Act 1985 tlawhchhanin thubuai siamsak an ni.

Get real time updates directly on you device, subscribe now.

MADC Fur thutkhawm nei tan

INDIA bloc te lungawi lo