Damdawi ina thawktute chu an hna leh tawngkamah fimkhura, dmalote tan damna thlentu ni turin MHIP president Ngurmawii Sailo chuan a ngen.
-- Advertisement --
Zirtawpnia West Phaileng MHIP Block Conference neih a hmanpui bakah West Phaileng Primary Health Centre-a Nauneihna Ward chu MHIP Gen. Hqrs president Ngurmawii Sailo hian a tlawh a. Tunhma in damdawi in hrang hrangah vanduaina avanga nausen leh nu in nunna an chan thin thu leh pawi a tih thu a sawi a. Thawktute chu hetiang thil pawi a thlen tawh lohna’n theih ang tawka fimkhur tura ngein, doctor, nurse leh staff dangte chu an tawngkam khat lek pawh anmahni pantute tan damdawi tha leh mite rilru ti na thei, damna leh natna thlen theitu a ni tih a sawi a. Thawktute inpekna san zia a hmuhin lawmawm a tih thu a sawi bawk.
Parvatui khuaa West Phaileng MHIP Block Conference a hmanpuinaah Ngurmawii Sailo chuan, Mizoram leh hnam siamtha tura hmeichhiate dinhmun pawimawhna hrang hrang leh chhungkuaa nu ber mawhphurhna san zia a sawi. “Mizo hmeichhiaten tih takzeta kan zira kan beih tak tak chuan Mizoram mai ni lo, India leh khawvel huapah pawh am tihmingtha theitu kan ni. Chuvangin zirlaite, talent tha tak tak neite hian Mizoram tihmingtha turin kan hmachhawpah theuh theihtawp chhuah zel ang u,” a ti.