Hnahthiala power harsatna
sutkianna tur sum ruahman
Hnahthial tlangdunga kawlphetha lama harsatna awm thin sutkianna turin sawrkar chuan sum a ruahman fel tawh tih minister Dr R Lalthangliana chuan a sawi.
Inrinnia Hnahthiala Lalnu Ropuiliani Hall-a badminton carpet phah thar a hawnnaah South Tuipui bialtu MLA ni bawk Dr R Lalthangliana chuan MNF sawrkarin Mizo thalaite tan infiamna lamah hma an sawn zel theihna’n theihtawp an chhuah thu a sawi.
SASCI atangin Hnahthial tlangdung lam power harsatna awm reng mai sutkianna’n chief minister Pu Zoramthanga hnenah a thlen thu sawiin, cheng vaibelchhe 43 administrative approval pek an ni tih a sawi a. Kumin sawrkar kumah harsatna zual phuhruk nan cheng nuai 500 hman theih tura pek an ni tih sawiin, a petu finance changtu chief minister Pu Zoramthanga chungah lawmawm a tih thu a sawi.
Kawlchaw lei dawh aia sei zawk mah ‘Tuipui D Darzo Kai’ dawh tur pawh central Border ministry atanga DPR leh revenue clearance an tihfel vek tawh thu te, Siaha, Lawngtlai, Hnahthial district leh Myanmar inkalpawhna kawng pawimawh tak a nih tur thu te a sawi. “Truck lian ke 14 nei insulpel thei tura dawh a ni anga, a project a lentham vangin kum 4/5 vel chhung thawh tur a ni ang,” a ti.
Hnahthiala power harsatna sutkianna tur sum ruahman
Get real time updates directly on you device, subscribe now.
Prev Post
Next Post