Hnam inpumkhatna khawmpui

Kumin June 7-9 chhung khan Burma ram Hriangkhanah India, Burma leh Bangladesh Zo hnahthlak Zofate Hnam Inpumkhatna khawmpui – ‘Zo/Chin National Unity Conference’ hman a ni.
Hnam inpumkhatna khawmpui hi Burma rama Zofaten rambuai karah Inkhawmpui Committee dina an buatsaih a ni a. Hriangkhan Baptist Kohhrana nghah a ni. Inkhawmpui hmang tur hian India leh Burma atangin an kalkhawm a, rokhawlhna avangin Bangladesh palaite an tel thei lo. Inkhawmpui speaker-ah Rev Dr Zaichhawna Hlawndo leh Lalruatfeli Hlawndo te hman an ni.
Inkhawmpui thupuiah hian kum 1896, British sawrkar hunlai, Chin Lushai Conference-in Zofate hnam khat leh thlahtu bul thuhmun, chenna ram leh rorelna dan mumal tak a lo duang fel tawh a. British-in min chhuahsan hnu kum 1947-ah India, Burma leh Bangladesh-a thendarh leh awpbeh kan nih leh dan chungchang sawi a ni. Thendarh leh awpbeh kan nih dan leh kan hnam nihna dik, Zofatea kan insuihkhawm chu Pathian thiltum a ni tihte sawi a ni bawk.
Burma, Manipur leh Bangladesh-a Zofate hun tawn mek chu harsa hle in lang mah se, Zoramthar pianna tur kalkawng kan zawh mek a ni tih sawiin, Zofate Pathianin min tih pumkhat a tum avangin, hnam chibil hmanga inthendarh a rem tawh lo tih sawi a ni.
Inkhawmpui palaite hian raltlan camp an tlawh a, sipai leh khawtlang hruaitute kawm an ni. Inkhawmpui Committee chuan Zoram Thar Zofate Lairelna Inpuiin a lo din tawh, Khawvel Zofate Lairelna (KZL) a tel turte pawh an ruat a ni.