Hnam tana martar-te kan ngaihsak – Home minister

Hnam tana martar-te kan
ngaihsak – Home minister
Mizo ram leh hnam tana martar-te chu sawrkarin a ngaihsak tih Home minister chuan a sawi.
Keitum khuaa hnam tana martarte hriatrengna lungphun leh Village Council House siam chu Ningani khan Hrangturzo bialtu MLA, minister Lalchamliana hian a hawng a. Martar-te hian he ram he hnam hi a dinchhuah nan engkim an chà n tih sawiin, “An duh leh nunna an pek chhan hrerengin, keini pawhin mahni inhaivurna leh mahni nawmna ngawt um loin kan ram a dinchhuah zel theihnan inhlan thar ang u,” a ti.
Hnam tana martar-te chu tunhma atangin theihtawpin an ngaihsak a, an pual Thlanmual pawh siam niin chutah chuan mi 1563 thlan an dah tawh a, a tul angin an thuamtha chho zel dawn tih a sawi. “Tuna kan sawrkar leh hian chief minister-in a ngaipawimawh em em a, sawrkar tirh phat khan martar-te leh an chhungkua ngaihtuahtu tur Committee thunei tak kan din a. Amaherawh chu Covid19 vangin harsatna kan tawk zui ta a, state sawrkarin kan beisei angin sum kan hmu thei ta loa, tum ang takin hma kan la zui thei ta rih lo a ni,” a ti. Martar chhungkuaten lo hrethiam a, lo nghak hram hram turin a ngen tih a sawi a ni.
Martar lung an phun hi mi pathum – Lalchawia, Ralliana leh Lalvena te an ni a. VC House hi cheng nuai 10 senga sak niin, a building bakah a chhung cheina leh hmanraw mamawh thenkhat lei tel nghal a ni.