Hockey India Player of the Year nominee zingah Siami a tel
Hockey India Player of the Year
nominee zingah Siami a tel
Hockey India award hrang hrang an semchhuak hnai leh tawh a, women’s Hockey India Player of the Year award bik dawng thei tura chhawpchhuah zingah Mizo nula Lalremsiami Hmar Zote a tel.
Women’s category lama top award dawng thei tura nominee dangte chu Salima Tete, Navneet Kaur leh Savita-te an ni.
Mipa lamah star Indian midfielder Hardik Singh, forward pahnih Sukhjeet Singh leh Sanjay bakah defender Abhishek-te chu Hockey India Balbir Singh Senior Player of the Year award for 2025 dawng thei tura nominate an ni thung.
Award sem inkhawm hi Asia Cup-a champion Indian men’s team leh World Cup-a bronze medal latu junior men’s team chawimawina hun nen a kalkawp dawn a ni.
Hockey India award an semchhuah tur zingah hian Under-21 player bikte dawn tur emerging talent award a tel a, chu chu Jugraj Singh leh Asunta Lakra Award tih niin, Jugraj Singh Award for Upcoming Player of the Year an tih chu Under-21 men tan a ni a, Asunta Lakra Award for Upcoming Player of the Year chu Under-21 women player dawn tur a ni thung.
Kumin hian award category pariat a awm dawn a, final shortlist-a lang chin hi nominee 32 an ni.
HI awards ceremony-ah hian President’s Award for Outstanding Achievement leh Jaman Lal Sharma Award for Invaluable Contribution semchhuah a ni bawk ang.
Official-te pawh chawimawi tur zingah telin, Umpire/Umpire Manager of the Year, Technical Official of the Year leh Best Member Unit award an siam bawk a ni.
Tarlan tawh angin, award sem inkhawmah hian Asia Cup latu Indian men’s team leh World Cup bronze medal changtu junior men’s team chawimawina hun buatsaih a ni ang.
Hockey India president Dilip Tirkey chuan Indian hockey-in kum pawimawh tak an luh chhoh mek thu sawi chungin hetih karah hian tunhnai kum khat liamta chhunga ram tana thawhhlawk zualte chawimawi leh chawisan chu a pawimawh takzet tih a sawi.
Award hrang hrang leh nominee:-
Baljit Singh Award for Goalkeeper of the Year 2025:
Prince Deep Singh, Krishan Bahadur Pathak, Bichu Devi Kharibam and Suraj Karkera.
Pargat Singh Award for Defender of the Year:
Sanjay, Amit Rohidas, Jugraj Singh and Harmanpreet Singh.
Ajit Pal Singh Award for Midfielder of the Year:
Hardik Singh, Sumit, Raj Kumar Pal and Nilakanta Sharma.
Dhanraj Pillay Award for Forward of the Year:
Sukhjeet Singh, Abhishek, Navneet Kaur and Shilanand Lakra.
Asunta Lakra Award for Upcoming Player of the Year (Women U-21):
Sakshi Rana, Jyoti Singh, Sunelita Toppo and Kanika Siwach.
Jugraj Singh Award for Upcoming Player of the Year (Me Under 21):
Prince Deep Singh, Manmeet Singh, Anmol Ekka and Arshdeep Singh.
Balbir Singh Sr. Award for Player of the Year (Women):
Navneet Kaur, Salima Tete, Lalremsiami Hmar, Savita.
Balbir Singh Sr. Award for
Player of the Year 2025 (Men):
Hardik Singh, Sukhjeet Singh, Sanjay and Abhishek.