Hong Kong to Delhi thlawhnaah fel lo awm vangin Kolkata-ah tum

Hong Kong to Delhi thlawhna chu a tumna tur Delhi-ah a tum tep tihin emergency thil vangin Kolkata airport-ah tum tir a ni a, harsatna thleng zui a awm lo.
He thlawhna hi Air India ta niin, Boeing B787-8 a ni a, airport official te chuan thawhtanni chawhma dar 10:18 velah thlawhna AI 315 atanga emergency an dawn thu sawiin, thlawhna atanga emergency a an tawngkam hman ‘Pan-Pan’ tih an dawn thu an sawi.
Thlawhna pilot leh leilam an inbiak pawh hnuah he thlawhna hi Kolkata airport-ah emergency a tum tura tih nghal a ni a, harsatna awm lova Kolkata-ah tumin, an tumna hmun atang hian an thlenna hmun tur hi darkar hnih leh a chanve vel la thlawh ngai a ni.
Airport thuneitute chuan thlawhna a chuangte zingah harsatna tawk leh hliam tuar an awm loh thu sawi zuiin; thlawhna pilot chuan thlawhna chu a dinglam sirah fuel leak a awm avanga rang taka SOS hmang a nih thu sawiin, engkim a pangngaia awm leh tawh thu a sawi zui ve bawk.