Horti officer post ruak zat 50% vel
Horticulture department-ah officer post ruak chu zaa 49 a ni a, tunhnaiah pension-a chhuak an awm leh avangin a danglam leh dawn a, zaa 50 vel a ruak mek.
Mizoram Horticulture Service Association hruaitute sawi danin, tunah hian post 90 an nei mek a, 2025 February 28 thleng khan post 90 awmah hian post 46 (51%) hnawhkhah a ni a, poas luah loh 44 (49%) a awm. Hemi hnu hian mi pahnihin pension-in an chawlh san leh tawh a, 44 an ni ta a ni.
Horticulture officer an tlem tawh hle lai hian, Zoram pum tuama hnathawh tur a tam si a, an indaih lohna nasa tak hnawhkhah sak tur leh, an service chungchhanga harsatna an neihte sawrkar hnenah an thlen zel a, MHSA member-te cuan tha thlah loin theihtawp chhuahin hna an thawk zel dawn tih an sawi a ni.
Heng thu hi tunhnaia MHSA-in general conference an hmanaah sawichhuah a ni a. Conference hmanpuitu Horticulture minister Prof Lalnilawma chuan officer 5 an la thar chungin an mamawh ang a la phuhruk lo nasa a. Zaa 49 post ruak chu an kal zel dan turah ngaihtuahna a ti thui tih a sawi. Sawrkar kum thar lamah post thar an nei thei turah an ngai tih sawiin, Mizoram Public Service Commission-ah post 15 an dil mek tih a sawi. Heng zawng zawng hi lo nei thei ta pawh nise, district horticulture officer chu assistant DHO awm lo chuan duh angin a function tak tak thei loa, an la mamawh belh dawn tho tih a sawi a ni.
Hetihlai hian department chuan loneitute thlai leh thei chin tir leh enkawlpui chauh a hna a ni a, a market lam lo buaipui sak chu an chanpual a ni lo chungin, tih pui ngaih chang a awm fo tih a sawi a. Hma la vak dawn se, mahni kuang lo nawra puh an nih chuan a dik na chen a awm leh lawi tih a sawi a ni.
Horti officer post ruak zat 50% vel
Get real time updates directly on you device, subscribe now.