State Task Force for Immunisation chu an chairman, Health & Family Welfare secretary Sangchin Chinzah hoin Ningani khan an thukhawm a. District hrang hranga hri danna pek (immunisation) kawnga hmalakna leh programme hlawhtlinpui tawhna thlirho a ni.
NHM mission director Dr Eric Zomawia’n Mizoram puma Immunisation Programme hrang hrang kalpui dan a sawi a. Zawhna awmte chhan a nih bakah report petuten an sawifiah nghal zel a ni.
State immunisation officer Dr Lalmuanawmna Jongte chuan ‘Brief Overview of UIP Programme’ leh ‘Zero Dose Implementation & GAVI supported District (Lawngtlai)’ report a pe a; surveillance medical officer Dr Lalhlimpuii’n ‘Measles-Rubella Elimination’ chungchang a sawizau bawk.
Ram pumah naupang kum 5 chin zingah a lo berah zaa 95 immunisation hlawhtlinpui a nih theih nan theihtawp chhuah mek a ni a. State, district leh block level-ah sawrkar leh tlawmngai pawlte thawhhona tha neih a pawimawh zia sawi niin, mipui hnenah immunisation pawimawhna hrilhhriat (awareness) lamah nasa lehzuala tan lak dan tur sawiho a ni.
Hri danna pek tawh thlirlet
Get real time updates directly on you device, subscribe now.
Next Post