Hrisel nan carrot

Carrot hi a hmel en atang rengin a hrisel ang tih kan ring sa tlangpui. A helin emaw chhum hmin a ni emaw, a tha ve ve. Carrot cake te pawh siam, a tui a, a tha bawk.
Carrot hi ‘goldmine of natural Vitamins and nutrients’ te pawh an ti hial a ni. Carrot-ah hian Vitamin A a tam hle a, thlasik laiin carrot juice in tam la, chu chu vun tan pawh a tha hle.
Carrot-ah hian beta-carotene a tam a, kan taksain beta-carotene chu Vitamin A-ah a lo let leh a, chu chu mit tan chaw tha tak a nih bakah natna do theihna (immune system) tan a tha a, ruh leh ha tichaktu a ni bawk. Chubakah thyroid glad hnathawh a tanpui bawk a ni.
Carrot juice hi anti-inflammatory tha tak a ni a, cancer a veng thei a, chutiang thar harna (anti-aging properties) a nei bawk a ni.
Carotene hi anti-oxidant a ni a, cell chhe tur vengin, mi tilang naupangtu tha tak a ni. Carrot juice in pawh stress level tihniamtu tha tak niin an sawi a, kan chaw paitawihna (digestive system) tan pawh a tha hle a ni.