HSLC pass tharte tan UPSC coaching ruahman tum a ni – Education minister

HSLC pass tharte tan UPSC coaching ruahman tum a ni
– Education minister
Pawl 10 pass tharten national level exam pawimawha Mizo zirlaiten hlawhtlinna an chan ve theihnan UPSC coaching ruahman an tum tih School Education minister Dr Vanlalthlana chuan a sawi.
Aizawl North II bialtu MLA ni bawk Dr Vanlalthlana hian a bial chhunga HSLC Exam result chhuaka top 10-a langte hnenah Zirtawpni khan lawmpuina thilpek a hlan a. Lawmpuina hlante hi: 2-na Malsawmkima s/o Zarzoliana, Ramhlun South; 7-na V Lalremruata s/o Lalduhsaka, Ramhlun North leh, 9-na Lalhmingsangi Hnamte d/o Remsiama, Ramthar Veng an ni.
A biala zirlaite cho phurna atan HSLC leh HSSLC Exam top-10 a langte chu kum 2020 vel atang khan lawmpuina atan laptop a pe thin tih Dr Vanlalthlana hian a sawi a. UPSC exam-a hlawhtlinna chang thei tur leh national level exam pawimawh, JEE leh NEET-ah Mizo zirlaiten dinhmun sang an hauh ve theihnan class 10 an pass hlim atangin UPSC coaching, inchherna hun tha ruahman tum a ni tih sawiin, “Zirlai taima, tumruh leh tih tak tak duhna thinlung pute tan he ruahmanna hian an graduate thleng a huam dawn a ni,” a ti.