HSLC topper-in lehkha chhiar tam
HSLC 2025-a pakhatna PC Lalthakimi chu lehkha chhiar peih tak a ni tih sawi a ni a. Amah hian whatsapp leh instagram chu a lehkhazir puitu atan a hmang nasa a, hun khawhralna atan a hmang ngai lo tih a sawi.
HSLC topper lehkha chhiar peih thu hi ama insawi dan ni ngawt loin, an khawtlang hruaitute sawi a ni a. Tleirawl thuawih leh taima, lehkha chhiar peih em em a ni, tih an chenna Armed Veng khawtlang hruaituten an sawi.
Aizawl East-II bialtu MLA, minister B Lalchhanzova chuan a bial chhung mi, HSLC 2025-a pakhatna PC Lalthakimi hi Ningani khan a office-ah lawmpuina a buatsaih sak a. Sumfai bakah laptop, printer, lawmpuina thuziak leh lehkhabu engemawzat a pe.
“Zirlai taima leh hlawhtling chu chawimawi leh lawmpui tlak a nih ang ngeia he hun hi buatsaih kan ni,” a ti.
Minister hian HSLC topper chu a bial chhung mi a nih bakah a zirna KD High School, Saron Veng a ni lehzel chu a lawmna a thuahhnih tih sawiin, KD High School principal Biakhmingliana chu lawmpuina thuziak leh sumfai a hlan
PC Lalthakimi hian social media, a bikin whatsapp leh IG chu a lehkhazir puitu atan a hmang nasa tih a sawi a. Hun khawhralna dang atan erawh a hmang ngai lo tih a sawi. Lehkha hi a tette atangin a chhiar nasa tih a sawi a. Neurosurgeon nih a tum thu a sawi a ni.
HSLC topper-in lehkha chhiar tam
Get real time updates directly on you device, subscribe now.