International Criminal Court prosecutor tena Israel prime minister man tura thupek a chhuah chu ‘pawmtheihloh’ tia sawiin Hungary ah chuan hman a ni ve dawn lo tiin Prime Minister Viktor Orban chief of staff chuan a sawi.
Gargely Gulya chuan Hungary chu International Criminal Court Rome Statute pawmtu a ni chungin ‘Hungarian law-ah bilh a ni ve lo’ tia sawiin chuvang chuan Hungary ram chhungah chuan ICC thupek chu kalpui ve theih loh tiin a sawi.
ICC prosecutor Karim Khan chuan thawhTanni khan Israeli Prime Minister Benjamin Netanyahu, a defence chief leh Hamas leader pathum te chu war crime tiah puhin man turin thupek a chhuah a. Israel leh Hamas te chuan Khan thutlukna chu an sawisel nasa hle.
“He thutlukna hi legal a ni lo va, political decision a ni a, Gaza a thil thlenna chhan hi theihnghilh tur a ni lo va, Israel rawng taka beihna in a hrin zawk a ni,” tiin Gulyas chuan a sawi.
Euroepan Union ram 27 te chu ICC member vek niin EU chief diplomat Josep Borrell chuan ICC thutlukna siam chu an zawm a ngai tiin a lo sawi tawh a. Mahse, ICC thutlukna siam chuan European ramah pawh ngaihdan inang lo a siam nasa hle thung.
Viktor Orban chu Netanyahu Thian Tha niin Israel chuan mahni inveng turin dikna a nei a ti tlat bawk.
Hungary-in ICC thupek zawm dawn lo
Get real time updates directly on you device, subscribe now.
Prev Post
Next Post