Hurricane Helene in North Carolina a nuai na

Thlipui tleh nasa tak, Hurricane Helene chuan US state thenkhat a nuai na hle a, North Carolina ah chuan mi sawmthum chuangin nunna an chan tawh.
Thlipui hian Florida leh Georgia ah hnuhma duhawm lo tak a neih hnuin North Carolina lam hi a hrut na leh hle mai a, tuipui leh a chhehvel bakah chenna in tam tak a tichhe bawk.
Pathianni tuk thlenga an chhinchhiah danin thlipui leh a hnuhma avanga nunna chan hi mi sawmthum an tling tawh a, thingtlu leh leimin bakah kawngpui tlabal tam tak a awm avangin inkalpawhna kawngpui a ping nual bawk.
Inbiakpawhna lamah harsatna a awm tel avangin chenna in leh lo chan hi engzat chiah nge awm a la sawifak theih loh a, mi sangkhat chuang chu an in leh lo luahzui tlak a ni tawh lo tih erawh thuneitute chuan an sawi thung.